|
Mail from
jonasgringo / 10.7.2008 - 22.44 h
Hallo
zäme
Mir si hiä in Nigeria super empfangä wordä u aues isch bishär super veloffä.
Am bestä fangi wou ah mit däm wo nachem Flug passiert isch. Am Sunntig
6.7.08 simer ja losgreist u am Mäntig simer so gäge 2pm in Lagos acho. Lagos
isch d Houptstadt in Nigeria.
Nachdäm mer sy acho si mer vo zwöi Männer erwartet wordä u aschliessend
nachem nä Trip im nä chlinä Bössli uf Okada wyter greist. Dä Trip uf Okada
het 5 Stung duret. Zum Teil sy d Strassä dermassä löchrig gsy das mer aus
Geisterfahrer hei müessä wyterfahrä. Der Fahrer isch zum Teil mit über
160kmh über diä löchrigä Strasse blochet. Ungloublechs Gfüu.. Chli Angst u
viu Abentür =).
Womer sy acho, hei mer nur no wöuä pennä u hei zwöi schöni Hüsli becho zum
pennä. Het zwar grad am Afang zwöi Kakerlakä gha, aber me mues säch haut a
sörigs Züüg chli gwöhnä.
Am nächste Tag sy mer id Universität, wo üs iglade het. Dört isch üsi Gruppä
när mit erä affrikanischä Gruppe zäme ghocket - wiä mä das zB vo der Uno här
kennt. Das Gspräch isch im Nigerianischä TV übertreit wordä!!!
Wiä säch bis its usägsteut het, wei diä umbedingt Yoga i di nigerianischi
Wäut bringä.
Hüt hani mini ersti Yoga-Stung bim Reinu gha. Diä isch ou im nigerianischä
TV übertreit wordä... U es paar vo üs hei no äs Interview müessä gäh. Somit
sy mer sogar chli zu TV Stars mutiert hä in Nigeria. Ungloublech… nid wahr?
heheheh...
Momentan sitzä mer grad mit emnä nigerianischä Kolleg namens Izzy in erä
typischä Beiz hiä. Es isch chli schwirig usä ds fingä öb öper
vertrouenswürdig isch oder nid,
aber bi ihm sy sech der Mattia und ig sicher. Dä isch u witzig u hiuft üs bi
auem woner cha.
Aber mir chömä augemein sehr guet ah. Diä hei aui fröid a üs u behandlä üs
wiä Chünigä was mer nid immer so rächt isch.
U its macht de Beiz grad zuä u darum muesi öpä de ufhörä... süsch schiessä
sy mi no usä.
I ha das diräkt aus Mail verfasst… Auso bitte nid ds gross uf d
Rächtschribig u so achtä ;)
Verzeuä de sycher no meh weni deheimä by. Si ja ersch es paar Tag vergangä.
Vermissä öich aui scho sehr... Bis baud.
Liebi Grüess
Jonas
PS: Sorry dasi niämerem persönlech zrügg schribä, aber mir hei würklech numä
ganz churz Zyt u es isch sehr schwirig länger internet ds fingä. @ Salomé
...Vermissä di sehr!
|
|